mahasamund : छत्तीसगढ़ योग सिक्षक संघ के पदाधिकारी मन ह करीन संसदीय सचिव ले मुलाकात, 11 सूत्रीय मांग ल लेके संसदीय सचिव ल सौंपीन हे ज्ञापन

जय जोहार। छत्तीसगढ़ योग सिक्षक संघ के पदाधिकारी मन ह (mahasamund) संसदीय सचिव अउ विधायक विनोद सेवनलाल चंद्राकर ले गुरुवार के मुलाकात करीन अउ अपन 11 सूत्रीय मांग ल लेके ज्ञापन सौंपीन। जेमा संसदीय सचिव श्री चंद्राकर ह ओखर मांग के डहार सासन के ध्यानाकर्षित कराय के आश्वासन दीन।

गुरूवार के छत्तीसगढ़ योग सिक्षक संघ के अध्यक्ष अनिल चंद्राकर, अर्जुन धनंजय सिन्हा, शंकरलाल यदु, संतराम कंवर, यशवंत यादव ह संसदीय सचिव निवास पहुंचकर संसदीय सचिव अउ विधायक श्री चंद्राकर ले मुलाकात करीन । mahasamund) ए दउरान पदाधिकारी मन ह संसदीय सचिव श्री चंद्राकर ल बताइन कि छत्तीसगढ़ सासन के स्कूल सिक्षा विभाग डहार ले राज्य सैक्षिक अनुसंधान परिसद के माध्यम ले कक्षा पहली ले बारहवीं तक के विद्यार्थी मन ल योग सिक्षा के पुस्तक के वितरण करे जात हे जेखर मुख्य उद्देश्य विद्यार्थी मन ल योग के माध्यम ले उत्तम स्वास्थ्य के संगेसंग मन, बुद्धि के समेकित विकास स्कूली पढ़ाई के दउरान हो सके। लेकिन नियमित योग सिक्षक के नियुक्ति नई होय ले योग सिक्षा ह सिरिफ औपचारिकता तक सिमट कर रह गेहे ।

ए दउरान पदाधिकारी मन ह राज्य के विद्यालय म केन्द्रीय माध्यमिक सिक्षा बोर्ड के अनुरूप योग सिक्षक/प्रसिक्षक के नियुक्ति करे ल, उच्च सिक्षा प्राध्यापक बर राष्ट्रीय पात्रता परीक्षा के तर्ज म छग राज्य पात्रता परीक्षा में योग बिसय ल सामिल करे ल, सहायक प्राध्यापक भर्ती परीक्षा म योग बिसय ल संस्कृत के सम्बद्ध बिसय ले पृथक कर स्वतंत्र बिसय के रूप म स्थापित करे समेत 11 सूत्रीय मांग क लेके ज्ञापन सौंपीन । जेमा संसदीय सचिव अउ विधायक श्री चंद्राकर ह ओखर मांग के डहार प्रदेस सरकार के ध्यानाकर्षित कराय के आश्वासन दीन ।