Home हमर खबर मुख्यमंत्री बघेल के सभा के अध्यक्षता करही राजीव गांधी ल कंदमूल खवईया...

मुख्यमंत्री बघेल के सभा के अध्यक्षता करही राजीव गांधी ल कंदमूल खवईया बल्दीबाई ह

65
0
baldibai
बल्दीबाई

गरियाबंदसर्व आदिवासी समाज ह 24 जून के रानी दुर्गावती बलिदान दिवस ल धूमधाम से मनाही। मैनपुर के भाठीगढ़ म बलिदान दिवस कार्यक्रम रखे गे हे। जेखर अध्यक्षता पूर्व प्रधानमंत्री राजीव गांधी ल कंदमूल खवईया 90 बछर के बल्दी बाई ह करही। मुख्य अतिथि मुख्यमंत्री भूपेश बघेल हे। सर्व आदिवासी समाज के आयोजक कमेटी के बैइठक आज गरियाबंद म होईस हे, जेमा सब झन के सहमित ले  मंचस्थ अतिथि मन के नाम ल तय करे गिस।

जिले के सर्व आदिवासी समाज के मुखिया भरत दीवान ह बताईस कि बैइठक म भाठीगढ़ म जेन सरकारी कॉलेज हे वोला रानी दुर्गावती अउ जिला अस्पताल ल कचना ध्रुवा के नाम ले जाना जाय येखर बर मांग पत्र तियार करे गिस,  ये मांग पत्र ल अतिथि मन ल दे के ओखर मन के नाम ले नामकरण करे के मांग करे जाही। येखरे संगे संग जिला के धुरिया ग्रामीण इलाका म शिक्षा ल बढ़ाए बर तुरंत आदिवासी आश्रम अउ छात्रावास खोलने,  तृतीय अउ चतुर्थ वर्ग के करमचारी मन के भर्ती म स्थानीय बेरोजगार मन ल प्रमुखता देय अउ आदिवासी समाज बर सांस्कृतिक भवन बनाय के घलो मांग करे जाही ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.