Home हमर खबर कानन पेंडारी: ब्रेन हेमरेज ले मादा शुतुरमुर्ग के मऊत.. कारण का हे...

कानन पेंडारी: ब्रेन हेमरेज ले मादा शुतुरमुर्ग के मऊत.. कारण का हे समझ नई आत हे कोनों ल..

96
0
ब्रेन हेमरेज से शुतुरमुर्ग की मौत

बिलासपुर. कानन पेंडारी जू म मादा शुतुरमुर्ग के मऊत हो गे। फेर ए मऊत के वजह के खुलासा तब होईन जब पोस्टमार्टम रिपोर्ट म शुतुरमुर्ग के सिर म खून के थक्का मिलिस। ए आधार म कहे जात हे कि ओखर मऊत ब्रेन हेमरेज होए ले हो गे। फेर ब्रेन हेमरेज काबर होईस एखर खुलासा होना अभी बाकी हे। बताए जात हे कि कोनों अज्ञात जानवर ह केच म घुसे रिहिस होही।

दरअसल अंतिम संस्कार ले पहिली मृत मादा शुतुरमुर्ग के पशु चिकित्सक मन पोस्टमार्टम करके परीक्षण करिन। इही दरी सिर म खून के निशान मिलिस। पोस्टमार्टम होए के बाद रिपोर्ट दे गिन कि शुतुरमुर्ग के मऊत ब्रेन हेमरेज ले होए हे। फेर ब्रेन हेमरेज के असली कारण काए एखर जानकारी नई मिल पा हे। फेर बताए जात हे कि जब वन विभाग के अमला ह केज म पहुंचिस त मादा अचेत पड़े रिहिस उहें दूसरा ह डरे हुए रिहिस। एखर ले अंदाजा लगाए जात हे कि रात म दूनों शुतुरमुर्ग के बीच म कुछु होए हे। कोनों अज्ञात जानवर ल देखके डरे हे या फेर कोनों जानवर ह एमल ल निशाना बनाए के फिराक म आए रिहिन होही।

 

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.