जय जोहार। (Bagbahra) संसदीय सचिव द्वारिकाधीश यादव ह बागबाहरा क्षेत्र के ग्राम आमाकोनी म नहर लाइनिंग काम बर भूमिपूजन करीन ।
(Bagbahra) ग्राम आमाकोनी के ग्राम वासी मन ह नहर नाली विस्तार अउ काम ल गति दे बर भूमिपूजन कार्यक्रम के आयोजन करे रिहीन। कार्यक्रम के मुख्य अतिथि संसदीय सचिव द्वारिकाधीश यादव रिहीन। ओखर ग्राम आगमन म ग्रामीण मन ह फूलमाला अउ आतिशबाजी के संग भव्य स्वागत करीन ।
ए अवसर म संसदीय सचिव द्वारिकाधीश यादव ह किहीन कि छत्तीसगढ़ सरकार ह किसान हित म काम करे ल संकल्पित है ।
आप मन के क्षेत्र म नहर लाइनिग हो जाय ले सिंचाई व्यस्था सुदृढ़ हो पाही अउ किसान अपन फसल के सही बेरा म पानी देके उचित उत्पादन ले पाही । वो हा युवा मन ले घलो युवा मितान क्लब के माध्यम ले जुड़के गांव म सांस्कृतिक, खेल अउ शिक्षा के विकास म अपन योगदान करे के अपील करीन ।
बता देन कि (Bagbahra) आमाकोनी समेत क्षेत्रवासी मन ह किसान ल होवइया सिंचाई के समस्या ले पूर्व म अवगत कराय रिहीन, जेखर बाद क्षेत्रीय विधायक अउ संसदीय सचिव द्वारिकाधीश यादव ह समस्या के समाधान बर परयास करीन। अब नहर लाइनिंग काम बर 2 करोड़ 95 लाख 97 हजार के स्वीकृति होय हे ।
ए अवसर म सीमा देवानन्द निर्मलकर,रवि निषाद बागबाहरा ग्रामीण अध्यक्ष सरपँच फुलेश्वरी कमलेश मोंगरे,कार्तिकराम आशाराम,देवानन्द निर्मलकर,विष्णु महानन्द,सेवाराम साहू,मोहन कुलदीप, सेतराम बघेल,राजेश सोनी,कोमल महानन्द,सुखराम ,अग्नि भागीरती, मन्ताराम यादव,चैनसिंह,नन्दकुमार निषाद, एसडीओ अशोक चन्द्राकर, उपयंत्रि,एस के बिसेन,उपसरपंच सेवती चक्रधारी, पँच नीलम चक्रधारी, चुन्नूलाल,मनू चक्रधारी,सोहागा चक्रधारी, केसरीबाई,सुनीता,नन्द दीवान,देवंतीन, देवकी देवांगन मौजूद रिहीन।
