मोदी सरकार के खिलवाड़ ल उजागर करिस राहुल ह

रायपुर : प्रदेश कांग्रेस के महामंत्री अउ संचार विभाग के अध्यक्ष शैलेश नितिन त्रिवेदी ह कहिन, ए आम चुनाव अनिल अंबानी अउ गौतम अडानी के भारत अउ गरीब, मजदूर, किसान मन, छोटे व्यापारी मन, उद्योग धंधा चलाइया नउजवान मन, गृहनी मन के भारत के बीच के चुनाव हे।

उमन कहिन,एक ओर नरेन्द्र मोदी हे जे अंबानी के दीवालिया होवत कंपनी ल राफेल के ठेका दिलाए बर देस के रक्षा जरूरत मन ले घलो समझउता कर 26 के जगा 36 राफेल लड़ाकू जहाज खरीदीस। दूसर ओर राहुल गांधी हे जे ह ए रक्षा घोटाला ल अउ देस के रक्षा जरूरत मन के संग मोदी सरकार के खिलवाड़ ल उजागर करिस हे।

एक ओर मोदी हे जेमन एक ओर 2014 के चुनाव म 2 करोड़ रोजगार के अवसर हर साल दे के बात कहिस अउ नोटबंदी जीएसटी जइसे गलत व्यापार अउ उद्योग धंधा विरोध नीति मन ले व्यापार जगत के कमर तोड़ दीस, जेखर ले बेरोजगारी अउ बढ़िस। 2014 म मोदी  ह  कहे रहिन के, कृषि मूल्य अउ लागत आयोग के सिफारिश मन के मुताबिक फसल मन के समर्थन मूल्य 50 प्रतिसत लाभ किसान मन बर  सुनिश्चित करे जाए अउ मोदी सरकार के कृषि लागत अउ समर्थन मूल्य आयोग  के सिफारिस मन के मुताबिक धान के लागत मूल्य 1726 रू. हे अउ धान के समर्थन मूल्य सिरिफ 1750 रू. घोषित करे गिस हे।

छत्तीसगढ़ के भूपेश बघेल सरकार देस के अकेला सरकार हे जे 2500 रू. प्रति क्विंटल देवत हे। अउ किसान मन ल लागत मूल्य म 50% ले जादा लाभ देवत हे त मोदी सरकार छत्तीसगढ़ के अइसन किसान हितैषी  भूपेश बघेल के सरकार ल निहित राजनैतिक स्वार्थ मन के चलत हतोत्साहित करे म लगे हे।