Korba District के सिंचाई योजना बर 13.46 करोड़ रुपिया स्वीकृत

जय जोहार । छत्तीसगढ़ सासन ह कोरबा जिला (Korba District) के अंतर्गत आने आने सिंचाई परियोजना के कई ठीन काम ल कराय बर 13 करोड़ 46 लाख दो हजार रुपिया स्वीकृत करे हे ।

कोरबा जिला (Korba District) के विकासखण्ड पाली के अंतर्गत सैला जलासय के मुख्य नहर के जीर्णोद्धार काम बर एक करोड़ 37 लाख 58 हजार रुपिया स्वीकृत करे हे । योजना के पूरा होय ले 405 हेक्टयर क्षेत्र म सिंचाई के सुविधा मिल सकही । विकासखण्ड पाली के अंतर्गत सिरली एनीकट काम बर एक करोड़ 99 लाख 43 हजार रुपिया स्वीकृत होय हे । योजना के पूरा होय ले क्षेत्र के किसान मन ल 105 हेक्टेयर क्षेत्र म सिंचाई के सुविधा मिल सकही।

विकासखण्ड पाली अंतर्गत झांझ एनीकट काम बर दो करोड़ 39 लाख 70 हजार रुपिया स्वीकृत होय हे है। ए योजना के पूरा होय ले 155 हेक्टेयर क्षेत्र म सिंचाई के सुविधा मिल सकही । विकासखण्ड कोरबा अंतर्गत हसदेव बांयी तट नहर के आर.डी. 6.15 कि.मी. म क्रास रेग्युलेटर अउ एस्केप चैनल के निर्माण काम बर दो करोड़ 98 लाख 70 हजार रुपिया स्वीकृत करे गेहे ।

(Korba District) विकासखण्ड कोरबा के हसदेव बांगो परियोजना अंतर्गत हसदेव बांयी तट नहर के आर.डी. 0 मी. से 100 मी. तक बाईपास अउ पावर केनाल के जीर्णोद्धार एवं सी.सी. लाईनिंग के मरम्मत काम अउ 100 मी. ले 4400 मी. बाईपास नहर के क्षतिग्रस्त सी.सी. लाईनिंग निर्माण काम बर दो करोड़ 91 लाख 77 हजार रुपिया स्वीकृत करे गेहे । विकासखण्ड कोरबा अंतर्गत हसदेव बांयी तट नहर के आर.डी. 4.80 कि.मी. क्रास रेग्यूलेटर म गेट फिटिंग काम बर एक करोड़ 78 लाख 84 हजार रुपिया के स्वीकृति प्रदान करे गेहे ।