Sunday, December 5, 2021
Home छॉलीवुड समाचार chhollywood : प्रदेस के पहला छत्तीसगढ़ी गरबा गीत "गीत ले बलावंव माँ"...

chhollywood : प्रदेस के पहला छत्तीसगढ़ी गरबा गीत “गीत ले बलावंव माँ” होगे रिलीज, गीत ल लिखे हे युवा गीतकार चम्पेश्वर गिरि गोस्वामी ह

जय जोहार…. (chhollywood) प्रदेस के पहला छत्तीसगढ़ी गरबा गीत “गीत ले बलावंव माँ” ल अभिषेक मूवीज वर्ल्ड रईपुर के यूट्यूब चैनल ले रिलीज करे गेहे। ए गाना ल गायिका गोपा सान्याल ह वर्चुअल रिलीज़ करीन।

अब तक छत्तीसगढ़ म बॉलीवुड अउ फिल्मी गरबा गाना चलन म देखे ल मिलत रिहीन, ए परयास के बाद (chhollywood) छत्तीसगढ़ी गरबा गीत के ट्रेंड सुरु करे हे गोपा अउ चम्पेश्वर गिरि गोस्वामी के जोड़ी ह।

ए गीत ल सुनते ही मनखे मन ह अपन आप ही थिरके ल लगही। ए गीत ल छत्तीसगढ़ के युवा गीतकार चम्पेश्वर गिरि गोस्वामी ह लिखे हे संगे संग ए गीत ल चम्पेश्वर गिरि गोस्वामी ह संगीत ले सजाए घलो हे।

गीत अउ संगीत ल खूबसूरती ले अपन गायिकी ले मुग्ध करे हे दूरदर्शन, आकाशवाणी के न्यूज़ एंकर श्रीमती गोपा सान्याल ह। (chhollywood) वो हा ए गीत ल गाके ए गीत में जान डाले के के काम करे हे। म्यूजिक अरेंजर सौरभ महतो हे।

ए गीत के विमोचन ह अभिषेक मूवीज वर्ल्ड के ऑफिस म होइस हे,जिहां गीत संगीत ले जुड़े लोगन अपन टीम के संग उपस्थित रिहीन। उहें इलेक्ट्रॉनिक मीडिया, प्रिंट मीडिया अउ कला जगत के हस्ती के बीच ए गीत ल एक ठीन समारोह म रिलीज करे गीस।

शास्त्रीय संगीत अउ लोक संगीत ले जुड़े गोपा सान्याल के ए गाना के माध्यम ले छत्तीसगढ़ी गायिकी म अब एंट्री हो गेहे। ए नवरात्रि म वो हा दर्शक मन ल ओखर दू ठीन गाना सुने बर मिलही । अवइया गाना बूँदेलखंडी जसगीत 9 अक्टूबर के अभिषेक म्यूजिक वर्ल्ड डहार ले रिलीज़ होही। पूरा टीम ल गरबा सहित बुंदेली जसगीत के जबर्दस्त हिट होय के उम्मीद हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -

Most Popular

Recent Comments