जय जोहार। (chhattisgarh) कोण्डागांव जिला के कोकोड़ी म मक्का प्रसंस्करण म आधारित राज्य के पहिला एथेनाल प्लांट अब मूर्त रूप लेवत हे । मक्का प्रसंस्करण प्लांट ह जून 2023 तक पूरा करे जाय के लक्ष्य निर्धारित करे गेहे।
मक्का प्रसंस्करण प्लांट जिला के मक्का उत्पादक किसान के आर्थिक समृद्धि के द्वार खोलही । एखर ले करीबन 45 हजार ले जादा किसान ह सीधा लाभान्वित होही । एखर संग समीपस्थ अन्य जिला के मक्का उत्पादक किसान के मक्का के प्रसंस्करण करे जाही । संगेसंग मक्का प्रसंस्करण प्लांट म क्षेत्र के लगभग 200 ले जादा मनखे मन ल सीधा रोजगार मिलही । छत्तीसगढ़ सरकार के उद्योग नीति म कृषि अउ वनोपज आधारित उद्योग के स्थापना ल विसेस प्राथमिकता श्रेणी म रखे गेहे ।
कोण्डागांव जिला म 140 करोड़ रुपिया के लागत ले बनत मक्का प्रोसेसिंग प्लांट ह किसान के जीवन ल संवारही । राज्य सरकार के सहयोग ले सहकारिता के क्षेत्र म ये पहिला प्लांट स्थापित करे जावत हे । छत्तीसगढ़ राज्य म कोण्डागांव जिला म मक्का के सबले जादा उत्पादन होत हे । ए प्लांट के स्थापना ले किसान ल मक्का के जादातम मूल्य मिले के उम्मीद हे । प्रोसेसिंग प्लांट के निर्माण के लगभग 35 प्रतिशत काम पूरा हो गेहे । ये प्लांट ह कोण्डागांव म ही नई बल्कि छत्तीसगढ़ के किसान बर फायदेमंद साबित होही ।
Other Articles
Raipur : मुख्यमंत्री मितान योजना ले मनखे मन ल मिलत हे बड़का राहत
