रायपुर। देश भर म मदर्स डे मनाए गिस हे। ये बीच म रायपुर के कलेक्टर अउ सबसे लोकप्रिय आईएएस अफसर ओपी चौधरी ह घलो अपन मां ल मदर्स डे म अपन अंदाज म शुक्रिया कहत हुए विश करिस।
कलेक्टर चौधरी फेसबुक म एक पोस्ट करत हुए ना सिरिफ मां ल सलाम करिस बल्कि उमन ह वो राज घलो खोलिस जेखर वजह ले प्रदेश ल पहिली युवा कलेक्टर मिलिस ।
ओपी चौधरी के आईएएस अफसर बने के पीछू के बड़े वजह असल म उखर मां हे। दरअसल उंखर पिता के निधन के बाद मां ह ओपी चैधरी ल अनुकंपा नियुक्ती म सरकारी नौकरी करे बर मना करत हुए कहिन कि आईएएस की तैयारी म वो ह समय देवय। येखर ले इंस्पायर होके ओपी चौधरी ह आईएएस बनके मां के सपना ल पूरा करिस।
कलेक्टर ओपी चौधरी ह फेसबुक म लिखे
मोर माँ… जब मैं ह 12वीं पढ़े तो मोर पिता जी के जगह म मोला अनुकम्पा म शासकीय नौकरी मिल सकत रहिन हे, लेकिन ४थी पढ़े गाँव बायंग जिला रायगढ़ म रहइया मोर माँ कौशल्या ह मोला अनुकम्पा के नौकरी बर मना करिस अउ आईएएसS तैयारी करे बर कहिस, ताकि मैं समाज बर कुछु कर सकव,उंखर प्रेरणा विज़न दूरदर्शिता अउ मजबूत व्यक्त्तिव ल आज प्रनाम।
No Comment! Be the first one.