Home हमर खबर अब दुलौरिन के बिहाव म नई आए कोनों बाधा.. राज्य सरकार दिही...

अब दुलौरिन के बिहाव म नई आए कोनों बाधा.. राज्य सरकार दिही 25 हजार रुपिया

104
0
The daughter's marriage will no longer trouble

रायपुर. प्रदेश म अब कोनों पिता ल अब अपन दुलौरिन के बिहाव बर संसो करे के जरूरत नई हे काबर कि मुख्यमंत्री कन्या विवाह योजना म अब दुलौरिन बेटी मन के बिहाव बर 25 हजार रुपिया दे के घोषणा सरकार ह कर दे हे। पहिली ऐ राशि के सीमा 15 हजार रुपिया रिहिस जेन ल भूपेश बघेल सरकार ह बढ़ा दे हे।

राज्य सरकार ह गरीब परिवार के बेटी मन के बिहाव के संसो करत बेहतर बेवस्था करे के कोशिश म हे। ग्राम बनारी के कुमारी ममता के कहिना हे कि ऐ योजना ले पहिली घलो बेटी मन के बिहाव होत रिहिस फेर ऐखर राशि कम होए ले दिक्कत के सामना करना पड़त रिहिस। काबर कि 15 हजार के राशि ह कम रिहिस। बेटी के माता-पिता ल अऊ जादा राशि खर्च करे बर पड़े। फेर भूपेश सरकार के फैसला बर ओमन ह सरकार ल धन्यवाद ज्ञापित करे हे।

बता देन कि मुख्यमंत्री कन्या विवाह योजना म एक बेटी के बिहाव म 15 हजार रुपए दे के सीमा ल बढ़ाके 25 हजार रुपिया करे गे हे। ऐखर ले बीपीएल परिवार के बेटी मन के हाथ पीला होए म कोनों परेशानी नई होए। इही कारण हे कि लोगन मन सरकार के ऐ फईसला के स्वागत करत हे।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.