जय जोहार सूरजपुर…. लॉकडाउन म सूरजपुर के एक छोटे ले कस्बे के महिला ह ए दिन अपन परिवार के जिम्मेदारी के संग गरीब मन के सहायता म घलो लगे हे। महिला ह घर म कोविड 19 ले बचाव बर मास्क तैयार करत हे अऊ जरूरतमंद मन ल बांटत हे। संगेसंग गरीब मन ल खाना खिलात हे। ओखर ए पहल के स्थानीय लोग मन काफी तारीफ करत हे।
पूनम तिवारी ह एक घरेलू महिला हे, जेन जिला के एक छोटे ले कस्बे भटगांव म रहत हे। ए महिला ह कई लोग मन बर रोल मॉडल बन गे हे। दरअसल ए महिला बिहिनिया पांच बजे घर के सारा काम ल निपटा के सिलाई मशीन म गरीब मन बर मास्क बनाए म लग जात हे. ए लगभग रोजाना 250 ले 300 मास्क बनात हे अऊ गरीब मन म बांटत हे। ए दौरान कोई भूखा मिल जाए त ओला घर ले खाना बना के खिलात घलो हे।
No Comment! Be the first one.