जय जोहार…. प्रदेश म शुक्रवार के रिकॉर्ड 529 कोरोना (corona) के नवा मरीज के पहचान होय हे। उहचे 199 मरीज मन ल स्वस्थ होय के बाद अस्पताल ले डिस्चार्ज कर दे गे हे। जबकि 13 लोगन मन के इलाज के दौरान मौत हो गे हे।
आज देर रात कोरोना (corona) के 78 नवा मरीज मिले हे, ओमा रायपुर ले 42, सुकमा ले 30, सूरजपुर ले 2, दुर्ग, बालोद, रायगढ़ अउ सरगुजा ले 1-1 मरीज शामिल हे।
एखर पहिले देर शाम मिले मरीज मन म रायपुर ले 142, दुर्ग ले 59, रायगढ़ अउ कोरबा ले 37-37, बस्तर ले 22, बिलासपुर ले 20, राजनांदगांव ले 18, जांजगीर-चांपा ले 15, कांकेर ले 13, नारायणपुर ले 12, बेमेतरा अउ कोंडागांव ले 11-11, कोरिया ले 9, बालोद ले 8, गरियाबन्द अउ कबीरधाम ले 7-7, महासमुंद ले 5, धमतरी, बलौदाबाजार, सरगुजा, जशपुर, बीजापुर अउ आन राज्य ले 3-3 शामिल हे।
बता देन कि प्रदेश म कोरोना (corona) संक्रमित मन के कुल संख्या ह बाढ़ के 14559 पहुंच गे हे। जेम ल 4572 एक्टिव मामला हे।
उहचे 9857 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 130 लोगन मन के मौत हो गे हे।
No Comment! Be the first one.