जय जोहार । (chhattisgarh) छत्तीसगढ़ प्रदेश के शहरी क्षेत्र के स्लम बस्ती म रहवइया मनखे मन ल घर पहुंच स्वास्थ्य सुविधा ल मुहैया कराय के उद्देश्य ले संचालित मुख्यमंत्री शहरी स्लम स्वास्थ्य योजना के तहत अब तक मोबाइल मेडिकल टीम डहार ले 21 लाख 2 हजार 625 मनखे मन ल मुफत इलाज मुहैया कराय गेहे । एखर तहत राज्य के 169 नगरीय निकाय के स्लम बस्ती म अब तक मोबाइल मेडिकल यूनिट टीम डहार ले 29 हजार 799 कैम्प लगाके मनखे मन के मुफत जांच अउ उपचार कर के दवाई दे गेहे ।
गौरतलब हे कि (chhattisgarh) राज्य के 14 नगर निगम क्षेत्र के स्लम बस्ती म रहवइया मनखे मन ल स्वास्थ्य सुविधा मुहैया कराय बर मुख्यमंत्री शहरी स्लम स्वास्थ्य योजना के पहला चरण के शुरूआत 1 नवम्बर 2020 के होइस हे । एखर तहत 60 मोबाइल मेडिकल यूनिट डहार ले स्लम बस्ती म जाके मनखे मन के स्वास्थ्य परीक्षण, उपचार अउ दवा वितरण के शुरूआत करे रिहीस ।
(chhattisgarh) मुख्यमंत्री भूपेश बघेल डहार ले ए योजना ले मनखे मन ल घर पहुंच स्वास्थ्य सुविधा मिले के सफलता ल देखत 31 मार्च 2022 के एखर विस्तार ल पूरा राज्य के नगरीय निकाय क्षेत्र म करे गीस अउ 60 अउ नवा मोबाइल मेडिकल यूनिट शुरू करे गीस । ए योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा ल मुहैया उपलब्ध करात हे ।
No Comment! Be the first one.