जय जोहार…. (Raipur) पिकअप म गांजा ले जावत दू तस्कर ल पकड़े म राजिम पुलिस ल बड़का सफलता मिले हे। पुलिस ह दुनो आरोपी मन करा ले 2 क्विंटल 70 किलो गांजा जब्त करे हे। जब्त गांजा के कीमत ल 30 लाख रूपया बताये जात हे।
(Raipur) पुलिस ले मिले जानकारी के अनुसार राजिम के पं. श्यामाचरण शुक्ल चौक ल चेकिंग पाइंट बनाय गे हे। जिहां चौबीसो घंटा पुलिस के तरफ ले गाड़ी के तलाशी ले जावत हे। आज बिहनिया 8.30 बजे कार्यवाहक थाना प्रभारी सब इंस्पेक्टर रामेश्वरी बघेल अऊ एएसआई छबिल दांडेकर ह चेकिंग पाइंट म तैनात रिहिन। ए दौरान रोजाना के तरह वाहन के चेकिंग करत रिहिन।
ए दौरान रायपुर (Raipur) के ओर ले जावत पिकअप क्रमांक सीजी 04 एनसी 9816 ल रोक के तलाशी लिस, गाड़ी म पैकेट म छिपा के गांजा रखे गे रिहिन। पुलिस ह 2 क्विंटल 70 किलो गांजा ल जब्त कर लिस। पुलिस ह कृष्णा यादव अऊ बलराम निषाद ल गिरफ्तार कर ले हे।
No Comment! Be the first one.