काम देवत हे कलाकार मन ल उर्वशी ह , अपन यू टयूब चेनल बर करत हे सरलगहा शूटिंग

जय जोहार रायपुर… छत्तीसगढ़ी सिनेमा के जाने माने अभनेत्री उर्वशी साहू ह लॉक डाउन के कारण खुद अऊ अपन कलाकार मन के परेशानी ले काफी दुखी रिहिस , ओखर कहना हे कि कोई आखिर काखरो कतना मदद करही आज कलकार मन ल मदद के नई काम के दरकार हे , इही सोच ल ले के उर्वशी ह अपन कलाकार अऊ खुद बर एक यू टयूब चेनल के स्थापना करे हे जेमा सरलगहा वो ह विडियो अपलोड करत हे अऊ वो विडियो मन ल अच्छा विउ मिलत हे,

उर्वशी ह किहिस कि वो ह अपन ये चेनल के माध्यम ले कलाकार मन ल काम अऊ पैसा दुनो मुहैय्या करात हे काबर कि कलाकार स्वाभिमानी होथे अऊ वो ह काखरो सामने हाथ नई फैलाय, उर्वशी ह आगे किहिस कि ओखर चेनल ल अच्छा प्रतिसाद मिलत हे अऊ पंद्रह दिन म हजारो सब्सक्राईबर होगे हे जेन ह दर्शाथे कि सिनेमा हाल बंद होय ले भी दर्शक अपन कलाकार मन के कृति दूसर माध्यम ले घलो देख सकथे.