जय जोहार…. (Raipur) नियमितीकरण के मांग ल ले के विद्यामितान अतिथि शिक्षक कल्याण संघ ह रविवार ले अनिश्चितकालीन भूख हड़ताल म बइठ गे हे। बिहनिया ले ही राजधानी के बूढ़ातालाब धरनास्थल म विद्यामितान शिक्षक ह जुटे हुये हे।
ओ हाथ म रोटी ल ले के सरकार के खिलाफ जमके नारेबाजी करत हे अऊ सरकार के घोसना पत्र म करे गे वादा ल याद दिलात हे। ए अवसर म (Raipur) विद्यामितान मन ल आरोप लगाईस कि भूपेश सरकार ह हमर मन के एक सूत्रीय मांग ल ले के सरलघा गुमराह करत हे।
10 दिन म मांग ल पूरा करे के वादा करे रिहिस। सरकार ल बने करीब दू साल हे गे, लेकिन आज तक कोनो फइसला नई होईस। विद्यामितान मन ह बताईस कि हमन पिछले चार साल ले 2516 विद्यामितान के नियमितीकरण के मांग ल ले के भटकत हन।
पिछिले सरकार म घलो हमर मन के मांग ल अनदेखा करे गे रिहिस। ए सरकार म घलो इहीं देखे जावत हे। (Raipur) संघ ह कहिन कि मुख्यमंत्री भूपेश बघेल अऊ टीएस सिंहदेव ह जब प्रदेश म विपक्ष के भूमिका ल निभावत रिहिस,
तब ओ मन ह हमर मन के संग सरलघा खड़े रिहिन। हमर मन के प्रदर्शन म हिस्सा ले हे। हमर मन के मांग ल ले के सड़क म उतरे रिहिस, लेकिन अब हमन ल समझ म नई आवत हे कि हमर मन के संग अईसे काबर करे जावत हे।
No Comment! Be the first one.